Rett vest

Eg var så heldig å få tilbringe gårsdagen på Utsira ytterst i havgapet.

Heldigvis var ferja på reparasjon, så me fekk ta hydrofoilen i staden og sparte ein halvtime på sjøen kvar veg pluss ei rue med spyposar

Utsira skal vere klimanøytral innen 2020, og profilerer seg som kommunen som gir energi. Fornuftig med ei lita øy som foregangskommune på slikt då det er relativt enkelt å avgrense og måle forbruk og lage klimagassregnskap. 

Blir spennande å følge dei på vegen mot målet!

Restane av hydrogensamfunnet Utsira er no innelåste i ein garasje, men det er iallefall stilig at dei turde prøve å teste ut hydrogen som energilagring i litt større enn labskala :) Vindmøllene frå prosjektet står uansett like støtt og leverer energi som bare det.

Det finst og øysyklar til fri benyttelse, og det er satt opp ei hytte laga av vrakgods frå havet. Med andre ord mykje snadder for folk som er opptatt av energi og miljø og sånt

Det må og nevnast at det er fantastisk fint der ute med naturen så tett på. Absolutt verdt ein tur ut for tøffingar som har sjøbein nok til ein time på ferje over åpent hav

vakkert og skremmande

Av og til seier bilder meir enn tusen ord. Monstermaster gå og legg dokke! Eg håper vindmøllene mine held seg på veggen, men skulle det gå heilt galt, så er heldigvis Don Quijote aldri langt unna..

Vertikale bønder og innendørs vindmøllepark

Det finst mykje rart på internett. Mellom anna innendørs vindmølleparkar. Trones energipark er ferdig installert, men har ikkje begynt å levere straum til nettet heilt ennå

Ellers så var eg og såg utstillinga RECAST - Scener fra Jæren på KINOKINO i Sandnes i dag. Utstilling om arkitekturens rolle i forhold til endrede forutsetninger og utfordringer som Nord-Jæren står overfor når oljealderen går mot slutten. Mykje fine bilder av Sandnes og Jæren før og nå og etterpå. Og eit veldig interessant innslag om Dickson Despommier som har skrive ei bok som heiter the vertical farm. Han driv og forsker på vertikal dyrking av mat innandørs i urbane område. Mykje spennande tankar. Stilig viss me kunne lage bygg her i regionen med grøne og etande vegger. Eg har sett døme på det innanfor den amerikanske miljøbyggmerkeordninga LEED, så kanskje det finst åpningar for slikt når BREEAM fester grepet? Slike bygg vil jo få auka krav til tekniske installasjonar og vil eg tru, og det er jo kjekt for oss som jobber med denslags. "The vertical farm" er herved lagt til på leselista mi for sommaren. Berre synd den ikkje var tilgjengelig på elektronisk format.. 

Foruten at utstillinga er gratis og lokalisert i herlige Sandnes, så ligg Benk kaffibar vegg i vegg, og den kombinasjonen kan ikkje slå feil :)

Grønt ute, grønt inne

Har hatt litt trøbbel med å halde gangen i komposten, men har fulgt rådet til Ingvald Erga om å lø på med bark, så nå begynner det å ta seg opp att. Har fått meg eit lite rituale med å gå ut å røre i komposten med greipa kvar kveld. Utrulig kjekt å følge med på utviklinga oppi der, og eg tek til å forstå folk som blir hekta på hage og dyrking. Og i går var temperaturindikatoren omsider tilbake på rosa, og altså godt og varmt nedi bingen

Frøa som vart sådd i april har og begynt å føre fram, og nå er hagen full av salat av alle slag. Gjødsla kun med hestalort frå Kalberg. Så i dag blir det hagesalat til middagen

Og inne spirer både agurk og tomat, så me ser fram til me kan begynne å hauste

I inspirasjon av alt det grøne, har eg fått meg eit grønt hjørne i stova og. Sjølsagt malt med svanemerka maling, (uten at det betyr at du skal sove med open boks på soverommet.. )Det vart mykje betre enn den uferdige sparkelgrå veggen som var der før. Bare litt pynt gjenstår no, så blir det bra

I morgon starter Jærdagen på Bryne, der det i år blir ein stor marknad med lokale kortreiste matvarer. Gler meg stort til det! Og ein tur til Bryne medfører og panoramautsikt til vindmølleparken for dei som kjem nordfrå, så det er vel verdt ein tur :)

I vinden

I dag hoppa eg i den grøne trauste V40-en til mamma, shanghaia broderen på togstatsjonen på Bryne for ein lynsafari til HøgJæren. Frå kjøkken hos mamma og pappa er det panoramautsikt til vindmølleparken som er under oppføring. 9 turbiner talte me i dag, og eg kribla etter å ta dei i nærmare øyesyn. Du kan sei mykje om vindmøller, men eg syns dei ser flotte ut sett frå Lyefjellet.. og det ska visst bli 32 av dei til samen. Dei kjem jo til å ta mesteparten av horisonten på kjøkkensida på Lye, men det er jo tross alt mest fornuftig å bygge straumen nær der folk er for å sleppe å bygge tilsvarande mange monstermaster

Møllene vart større og større jo nærmare Karlsbu me kom, og eg svinga til slutt inn på ein grusveg som såg ut til å lede opp til sakens kjerne. Diverre vart me møtt av eit forbudsskilt og tilhøyrande traktorhengar på tvers lenger oppe i vegen, og Ola var ikkje spesiellt lysten på å gå opp i findressen frå lørdagskvelden. Dessuten var det påbudt med hjelm og vernesko (men DET har me jo begge på kontoret, så det kan me ordne til neste gong) Så då fekk me ikkje lagt sjøldaude fugler under møllene til skrekk og advarsel, men det var kanskje like greit siden møllene ikkje har starta opp ennå...

Me får nok heller melde oss på rundtur i regi av Destinasjon Jæren. I sommar skal dei arrangere guida turar opp hit.  Flott at nokon prøver å sjå det positive i vindparken og presentere det som ein turistattraksjon. Eg blir gjerne med på tur eg, for det var flott å sjå på den forsmaken me fekk :) Gler meg til å sjå dei når dei er i svevet!Og dei som vil sjå urørt natur kan jo bare kikke på andre sida av vegen. Viss du ser vekk frå høgspentmastene der så er det ganske flott

Lynkur for klimaet?

I går skrudde me tradisjonen tru av lysa i ein time mens me stappa i oss ost og frukt og spelte brettspel i ei lun og vedfyrt stove. Earth hour gjorde i Rogaland eit utslag på 19 megawatt, eller effekten for å drive 475.000 40watts lyspærer. Dette er vel lite i det store bildet, men tilsvarer likevel levert effekt frå 8 HyWindmøller eller 25% av HøgJæren EnergiPark. Altså kunne me latt vær å bygge 25% av vindmøllene på HøgJæren ved å redusere energiforbruket på jabnå tilsvarande det me skrudde av i går. Og det burde ver fryktelig mulig.. Dei kWh-ane me lar vær å bruke er dei absolutt billigaste, nokon av dei til og med heilt gratis. Som dei me sparer på å skru av lyset når det ikkje treng å vere på. Utbygging av nye kraftverk om aldri så fornybare kostar mykje mykje meir

Eg kjøper argumenta frå antiearthouristane om at det i det lange løp betyr fuck all ingenting at skular, barnehagar og kontorbygg skur av lyset ein time ein lørdag i året. Det burde jo vore sjølsagt at alle bygg utan kvelds- og helgeverksemd skrur av lyset kvar kveld og helg heile året.. og gjerne kjøre kvelds- og helgesenking av temperatur og di i tillegg

Likevel meiner eg WWF's  initiativ EarthHour er viktig for å vise at det blir ein målbar effekt av at så mange (134 land, 4000 byar og kommunar, 1600 signalbygg) klarer å mobilisere og utføre ei faktisk handling for eit felles mål. Med vår tids ufattelige mulighet for kringkasting gjennom internett og sosiale medier burde det være håp for at me kan få til ein bindande global klimaavtale og faktisk få den gjennomført. Svaret på det evige spørsmålet om "kva skjer om alle på jorda hopper samtidg?" treng ikkje vere så langt unna